Жаңа жыл байрамы илажларына таярлық көриў, оны өткериў, байрам илажлары ўақтында халықтың қәўипсизлигин тәмийинлеў ҳәм жәмийетлик тәртипти сақлаў мақсетинде усы жылдың 10-декабринен 2025-жылдың 15-январына шекем төмендеги көшелерде транспорт ҳәрекети шекленген.
- Зарафшан көшесиниң «Hyatt Regency Tashkent» мийманханасы қорғаў пункти ҳәм Баспасөзшилер көшелери аралығындағы бөлеги;
- Истиқлол көшесиниң А.Темур ҳәм Уллы Туран көшелери аралығындағы бөлеги;
- Уллы Туран көшесиниң Истиқлол көшеси кесилиспесинен Жаслар дөретиўшилик сарайына шекемги бөлиминде автотранспорт қуралларының ҳәрекети шекленеди.
Көрсетилген сәнелер даўамында айдаўшыларға альтернатив жоллардан пайдаланыў усыныс етиледи.
