"Жол ҳәрекети қәўипсизлиги системасының жетилистирилиўи мүнәсибети менен Өзбекстан Республикасының Жынаят, Жынаят-процессуал кодекслерине ҳәм Өзбекстан Республикасының Ҳәкимшилик жуўапкершилик ҳаққындағы кодексине қосымшалар ҳәм өзгерислер киргизиў ҳаққында"ғы Нызам (ӨРН-1033-санлы, 20.02.2025 ж.) қабыл етилди.

Жынаят кодексине киргизилген қосымшаларға бола, төмендегилер ушын жынайый жуўапкершилик белгиленди:

Автомототранспорт қуралларының ҳәм олардың тиркемелериниң (ярым тиркемелериниң) мәмлекетлик номер белгилерин ямаса идентификация номерлерин нызамға қайшы түрде таярлаў, өткериў ямаса олардан пайдаланыў, сондай-ақ оларды қәлбекилестиргени ушын;

Автомототранспорт қураллары, қалалық электр транспорты қураллары айдаўшыларын ҳәм тракторшы-машинистлерди таярлаў ҳәм қайта таярлаў, сондай-ақ, имтиханлар өткериў ҳәм гүўалықлар бериў тәртибин бузғаны ушын;

Транспорт қуралын мәс ҳалында басқарғаны ямаса тексериўден өтиўден бас тартқаны ушын;

Транспорт қуралларын басқарыў ҳуқықынан айырылған шахстың транспорт қуралын басқарғаны ушын;

Қысылған тәбийий газде, суйылтырылған нефть газинде ямаса дизель ҳәм газ тәризли жанылғы араласпасында ислейтуғын транспорт қуралларынан пайдаланыўда қәўипсизлик қағыйдаларын бузғаны ушын.

Нызам рәсмий жәрияланған күннен баслап күшке киреди.