Грузия Бас министри Иракли Кобахидзе Өзбекстан Бас министри Абдулла Арипов пенен биргеликте "Жаңа Өзбекстан" паркине барып, Ғәрезсизлик монументине гүл қойды.
Халқымыздың еркин ҳәм абадан, қүдиретли Жаңа Өзбекстанды қурыў бойынша ерк-ықрарын жүзеге шығарыў, ҳәр бир пуқараға өз потенциалын раўажландырыў ушын барлық мүмкиншиликлерди жаратыў, саламат, билимли ҳәм руўхый бәркәмал әўладты тәрбиялаў, глобал өндиристиң зәрүрли буўынына айналған күшли экономиканы қәлиплестириў, әдилликти, нызам үстинлигин, қәўипсизлик ҳәм турақлылықты кепилликли тәмийинлеў мақсетинде, Жаңа Өзбекстанның раўажланыў стратегиясын әмелге асырыў процесинде арттырылған тәжирийбе ҳәм жәмийетшиликтиң талқылаўы нәтийжелери тийкарында ислеп шығылған «Өзбекстан – 2030» стратегиясы бүгинги күни халқымызға айдын жолды көрсетиўши тийкарғы бағдар сыпатында хызмет етпекте.
