Чирчиқ шаҳридаги Спортчилар кўчаси 48-уйда истиқомат қилувчи, Кудинов Николай Иванович Иккинчи жаҳон уруў қатнашчиси. Отахон ҳар доим қўлларини дуога очар экан, энг аввало юртга тинчлик ва осойишталик сўрайди. Чунки, у тинчлик энг олий неъмат эканига бир дайди ўқ ҳаётига нуқта қўйиши мумкин бўлган қонли жанггоҳларда кўп бора гувоҳ бўлган.
Хотира ва қадрлаш куни муносабати билан Тошкент вилояти ҳокимининг ўринбосари Зуҳра Миргазиева бир гуруҳ мутасаддилар билан унинг хонадонига ташриф буюрганда у оловли дамларини яна бир ёдга олди.
Суҳбат чоғида Иккинчи жаҳон уруши қатнашчисига Президент табриги ўқиб эшиттирилди ва 15 миллион сўм пул топширилди.
Қўни-қўшни, қариндошлар, ёш авлод вакиллари иштирокида учрашув катта тадбирга айланиб кетди, куй-қўшиқлар янгради.
Отахон кўзларида ёш билан бугунги кунларга шукрона келтирди.
