Кейинги пайтда маданият, санъат соҳасини ривожлантиришга қаратилаётган юксак эътибор туфайли театрлар ҳаётида ҳам жонланиш кузатилаётгани қувонарли.

Шунингдек, одамларни театрга кенг жалб қилиш, Маҳаллалар кесимида билетлар берилиши, ҳар бир театрга биттадан хизмат автобуслари ажратилиши эса, томошабинлар сонининг ортишига хизмат қилади. Театрларни замон талаблари даражасида таъмирлаш ҳам томошабин руҳиятига ўзига хос таъсир кўрсади.

Шуни инобатга олган ҳолда Тошкент шаҳар ҳокими Жаҳонгир Ортиқхўжаев Ўзбекистон давлат драма театрига ташриф буюрди ҳамда театрнинг ҳозирги шарт-шароитини ўрганди. Ҳоким театр биносининг таъмири юзасидан тегишли ташкилотларга кўрсатма берди, деб хабар бермоқда Маданият вазирлиги матбуот хизмати.