Тошкент шаҳар ИИББнинг маълум қилишича, жорий йилнинг 9 апрель куни соат 17.00 дан 10 апрель соат 17.00 гача Тошкент шаҳрига юк автомашиналарининг кириши ва шаҳарда юк автомашиналарининг ҳаракатланиши тўлиқ чекланади.

Чеклов Рамазон ҳайити муносабати билан пойтахтимизда хавфсизлик чораларини кўриш мақсадида амалга оширилмоқда.

Авария-қутқарув хизматлари машиналари ва махсус транспорт воситалари бундан мустасно экани маълум қилинди.