Сўнгги пайтларда ХДП ташаббуси билан маҳаллаларда аҳоли, шу жумладан, хотин-қизлар билан мулоқот олиб боришнинг мутлақо янгича тизими йўлга қўйилди. Шу асосда шаҳар ва қишлоқларда уйма-уй юриб, оилалардаги ижтимоий-маънавий муҳитни ўрганиш, улардаги мавжуд муаммоларни ҳал этиш тажрибаси шаклланди.
Ижтимоий кўмакка муҳтож оилалар ва хотин-қизларни ижтимоий-иқтисодий қўллаб-қувватлаш, уларнинг доимий даромад манбаига эга бўлишини таъминлаш мақсадида, Ўзбекистон ХДП Шофиркон туман кенгаши томонидан тумандаги Ахборот ресурс марказида учрашув бўлиб ўтди.
Тадбирда сўзга чиққанлар партиянинг ўтган даврларда амалга оширган ишлари ва келгусидаги режалари, дастурий мақсадлари тўғрисида батафсил тўхталиб ўтди. Сайлов қонунчилигидаги ўзгаришлар ва янгиликлар шунингдек, 2024 йилда ўтказиладиган сайловларда хотин-қизларнинг фаоллигини янада ошириш лозимлиги таъкидланди.
