Мамлакатимизда юридик таълим ва фанни юксалтириш йўлида хорижда яшаётган ва профессионал фаолиятни юритаётган ватандошларимиз, айниқса, юқори илмий салоҳиятга эга олимлар, мутахассислар ва истеъдодли ёшлар саъйи-ҳаракатларини бирлаштиришни мақсад қилган мазкур кенгашнинг аъзолари университет академик жараёнига бевосита жалб этилган.
Ишончимиз комил, мазкур кенгашга аъзо бўлган ватандошларимизнинг хорижда орттирган тажрибалари миллий юридик таълим ва фанни ривожлантиришга, халқаро даражага олиб чиқишга, шунингдек юқори малакали ҳуқуқшуносларни тайёрлашга муносиб хисса қўшади.
Яқин кунларда, университет Экспертлар кенгаши аъзоларининг ҳар бири кенг жамоатчиликка таништирилади.
Тошкент давлат юридик университети
Жамоатчилик ва ОАВ билан алоқалар бўлими