Бу ҳақда E-auksion маълумотларидан келиб чиқиб Spot хабар берди.
Ҳудудларнинг умумий бошланғич нархи 306,45 млнни ташкил этган бўлса-да, савдодан тушган жами тушум 20,99 млрд сўмга етди. Аукцион давомида нархларнинг умумий қиймати 68,5 баробарга ошди.
Деярли барча нуқталарни учта харидор сотиб олди: битта жисмоний шахс ва иккита компания — Microyol ва 64-BIT. Деярли барча савдолар 10−11 соат давом этди, чунки иштирокчилар доимий равишда ставкаларни ошириб бордилар.
Энг кўп лотни 64-BIT харид қилди (43), илгари ҳам у радарлар учун майдонларни оммавий равишда сотиб олганди. Microyol эса 7 та ҳудудни сотиб олган бўлса, жисмоний шахс 19 та участка харид қилди.
Энг қиммат объект — Боғишамол кўчаси бўйлаб ҳайвонот боғи ёнидаги ҳудуд, у 750,06 млн сўмга сотилди, бу бошланғич баҳодан 277,8 баравар қиммат деганидир. Бунинг учун таклиф 12 соат 35 дақиқа давом этди.
Тадбиркорларга жорий йилнинг 1 мартидан бошлаб йўлларга камералар ва радарлар ўрнатишга рухсат берилди. Ер участкалари онлайн аукционлар орқали тақдим этилади.
Аукцион ғолиблари участкаларни бошқа тадбиркорларга ўтказиш ҳуқуқи билан чекланмаган муддатга олади. 2021−2022 йилларда шу тарзда 3356 та видеокамера ва 763 та радар ўрнатиш режалаштирилган.