Хоразмлик қўғирчоқ устаси Мансур Курязов бошчилигидаги «Жайҳун» Хоразм халқ қўғирчоқ театри гуруҳи томонидан хорижлик ватандошимиз кўмагида Лондон ва Нью-Йорк каби дунёнинг машҳур шаҳарларидаги болажонлар учун видеоконференция режимида ушбу томоша саҳналаштирилди.

Томоша иштирокчиларда катта таассурот қолдирди. Хоразм вилояти туризмни ривожлантириш департаменти, Хоразм вилоят маданият бошқармаси, Европа тикланиш ва тараққиёт банки, Хоразм вилояти ҳокимлиги ҳамкорлигида ватандошимиз томонидан бошланган ушбу ташаббус келажакда АРТ-туризмни ривожлантиришга ўз ҳиссасини қўшади.