SuperJob иш қидириш хизмати раҳбари Алексей Захаров яқин 10 йил ичида кераксизга айланадиган касблар ҳақида гапирди. Унинг фикрича, бухгалтерлар, юк машиналари ҳайдовчилари ва такси ҳайдовчиларига эҳтиёж йўқолади.
Захаровнинг сўзларига кўра, бухгалтерларга талаб рақамлаштиришнинг ўсиши ва электрон ҳужжатларга оммавий ўтиш фонида пасаймоқда. Шунингдек, келажакда дронлар ҳайдовчилар ўрнини босиши мумкин. "Конвейердан чиқиб кетадиган барча янги юк машиналари аллақачон учувчисиз ишлаш учун қайта жиҳозлаш имкониятини беради ёки бундай имконият барча ишлаб чиқарувчилар томонидан яқин келажакда амалга оширилади", – деди мутахассис.
Захаровнинг сўзларига кўра, келгуси йилларда чет тиллари ўқитувчиларига талаб йўқолиши хавфи мавжуд: бу ҳам асосан технологиянинг ривожланиши билан боғлиқ. Унинг сўзларига кўра, тилларни ўрганиш кўпчилик учун севимли машғулотга айланмоқда, шу билан бирга электрон таржима хизматлари самарадорлиги ошмоқда.
