Тошкент шаҳар Олмазор туманидаги “Ҳофиз Кўҳакий” МФЙ билан бу борада ҳамкорлик ишлари йўлга қўйилган. Ҳозирги кунга қадар маҳаллада спорт, ахборот технологиялари, хорижий тилларни ўқитиш бўйича ташкил этилган тўгаракларга жами 42 нафар ёшлар қамраб олинди.
Шунингдек, маҳаллада ёшларнинг бўш вақтини мазмунли ташкил этиш, уларни китобхонликка, спорт ўйинларига ошно этиш борасида бир қатор ишлар олиб борилмоқда. Таниқли шоир ва ёзувчиларнинг ижодий кечалари, эл суйган актёр ва актрисалар билан учрашувлар ёшларнинг интеллектуал ва ижодий салоҳиятини мустаҳкамлашга хизмат қилмоқда.
Худди шундай тадбирлар туманнинг “Абу Бакр Шоший” маҳалласида ҳам ташкил этилмоқда. Ёш авлодни маданият, санъат, жисмоний тарбия ва спортга жалб этиш, уларда ахборот технологияларидан тўғри фойдаланиш кўникмасини шакллантириш, ёшлар ўртасида китобхонликни тарғиб қилиш, хотин-қизлар бандлигини таъминлашга катта эътибор қаратилмоқда.