Qayd etilishicha, shu yilning 29-may kuni Toshkent viloyati Ohangaron shahrida xizmatga jalb qilingan YPX inspektori tomonidan svetoforning taqiqlovchi ishorasiga amal qilmasdan harakatlangan haydovchi 1984-yilda tugʻilgan R.U boshqaruvidagi “Tracker” rusumli transport vositasi toʻxtatib tekshirilganda u haydovchilik guvohnomasidan mahrum etilganligi maʼlum boʻlgan.
Shuningdek, haydovchi va transport vositasi xolislar ishtirokida koʻzdan kechirilgan. Koʻrik vaqtida haydovchining oldidan rangsiz polietilen sellofanga oʻralgan, oʻtkir hidli, yashil rangli “Nasha” nomli giyohvand vositasiga oʻxshash modda borligi aniqlandi.
Dastlabki surishtiruvlarga koʻra, ushbu moddaning sof ogʻirligi 47, 26 grammni tashkil etgan.
Fuqaro va ashyoviy dalillar Ohangaron shahar IIBga topshirildi.
