Samarqand viloyati Ekologiya, atrof-muhitni muhofaza qilish va iqlim oʻzgarishi boshqarmasi inspektorlari Oqdaryo tumanida joylashgan “M.M.M.N” fermer xoʻjaligi faoliyatini tekshirdi.
Oʻrganish davomida fermer xoʻjaligiga tegishli ekskavator va yuk mashinasi yordamida Qoradaryo daryosidan qum-shagʻal aralashmasi noqonuniy ravishda qazib olingani aniqlandi.
Tekshiruv natijalariga koʻra, mazkur qonunbuzarlik oqibatida tabiatga 43 milliard 12 million 57 ming 536 soʻm miqdorida zarar yetkazilgan.
Hozirda qum-shagʻal qazib olingan texnikalar jarima maydoniga joylashtirilgan. Holat boʻyicha tayyorlangan hujjatlar esa Samarqand viloyati prokuraturasiga yuborilgan.
Respublika boʻyicha chiqindi xizmatidan qarzdorligi qoplanmagan 204 895 ta abonentning elektr energiyasi uchun toʻlov qilish imkoniyatiga vaqtincha cheklov joriy etildi.
Atmosfera havosini ifloslantiruvchi manbalarni aniqlash va bartaraf etish maqsadida maxsus komissiya tomonidan oʻtkazilayotgan reyd tadbirlari davom etmoqda.
Oʻzbekiston Prezidentining ekologiya masalalari boʻyicha maslahatchisi, Ekologiya va iqlim oʻzgarishi milliy qoʻmitasi raisi Aziz Abduhakimov “Oʻzbekiston 24” telekanalidagi “Davra podkast” dasturida issiqxonalarga nisbatan koʻrilayotgan choralar yuzasidan toʻliq maʼlumot berdi.
