Президент пәрманына муўапық, 2026-жыл 1-январьдан баслап, мәмлекетлик хызметке биринши мәрте қабыл етилген мәмлекетлик хызметкерлер мәжбүрий "Мәмлекетлик хызметке кириў" арнаўлы курсларын ҳәм кейин ала ҳәр үш жылда кеминде бир мәрте қәнигелигин арттырыў курсларын өтеди және усы курслардың жуўмақлары бойынша олардың теориялық билим ҳәм көнликпелери диагностикадан өткериледи;
диагностикада мәмлекетлик хызметкерлердиң тийисли тараў ҳәм тармақ бойынша билим дәрежеси, ҳүжжетлерди дүзиў ҳәм мәмлекетлик тилде жумыс алып барыў көнликпелери, аналитикалық, басшылық ҳәм коммуникативлик көнликпелери, компьютер саўатлылығы, нызамшылықтағы жаңалықларды, Өзбекстан тарийхы ҳәм шет тиллерин өзлестиргенлиги, улыўма эрудициясы, психологиялық диагнозы ҳәм интеллектуаллық коэффициенти (ИҚ) сыяқлы көрсеткишлери баҳаланады;
Диагностика ҳәм жумыс нәтийжелилиги (КПИ) нәтийжелери Хызметкерлердиң кәсиплик компетенциялары раўажланыўын үзликсиз онлайн мониторинг етиў системасында жыйналады ҳәм талланады;
Мониторинг системасы анализи нәтийжелери бойынша, хызметкердиң бар билим ҳәм көнликпелерин кәсиплик раўажландырыў картасы - портфолиосы жаратылады;
кәсиплик раўажланыў картасы тийкарында мәмлекетлик хызметкер раўажландырыўы керек болған "жумсақ" ҳәм "қатты" көнликпелер бойынша мәжбүрий тәжирийбе арттырыў, соның ишинде, өз бетинше билим алыў бағдарламасын өтеди;
министрликлер ҳәм уйымлар тәрепинен хызметкерлерди сырт елде оқытыў, таярлаў, маманлығын арттырыў және стажировкасын шөлкемлестириў, соның ишинде, грантлар ямаса донорлардың қаржылары есабынан әмелге асырылып атырған жойбарлар шеңберинде мәмлекетлик хызметкерлерди оқытыў, таярлаў, маманлығын арттырыў және стажировкасы менен байланыслы илажлар мәжбүрий тәртипте Мәмлекетлик хызметти раўажландырыў агентлиги менен келисилгеннен соң әмелге асырылады.
