Кәмбағаллықты қысқартыў ҳәм бәнтлик министрлиги тәрепинен Өзбекстан Республикасы Президентиниң 2024-жыл 24-декабрьдеги "Жаңа жыл байрамын белгилеў дәўиринде қосымша жумыс исленбейтуғын күнди белгилеў ҳәм дем алыс күнин көшириў ҳаққында"ғы ПҚ-452-санлы қарарына муўапық, жумыста пайдаланыў ушын 2025-жылға мөлшерленген жумыс ўақты нормаларының даўамлылығы календары ислеп шығылды.

Байрам күнлери:

1-январь - Жаңа жыл.

8-март Ҳаял-қызлар күни.

21-март - Наўрыз байрамы.

31-март - Ораза ҳайыты (Ийд ал-Фитр).

9-май - Еслеў ҳәм қәдирлеў күни.

7-июнь - Қурбан ҳайыт (Ийд ал-Адҳа).

1-сентябрь - Ғәрезсизлик күни.

1-октябрь - Муғаллимлер ҳәм устазлар күни.

8-декабрь - Конституция күни.

Жумыс саатларының нормасы (жумыс ўақты) төмендегише белгиленеди:

5 күнлик (40 саатлы) жумыс ҳәптесинде:

8 саатлы жумыс күни ҳәм 7 саатлы байрам алды жумыс күнлери есапқа алынады;

6 күнлик (40 саатлы) жумыс ҳәптесинде:

7 саатлы жумыс күни ҳәм дем алысқа шекемги 5 саатлы жумыс күни сондай-ақ, байрам алдындағы күнлери 6 саатлы (шемби күнине туўры келсе, 4 саатлы) жумыс күни есапқа алынады;

36 саатлы жумыс ҳәптесинде:

6 саатлы жумыс күни ҳәм 5 саатлы байрам күнинен алдынғы жумыс күнлери есапқа алынады.

Ораза ҳайыты (Ийд ал-Фитр) ҳәм Қурбан ҳайыты (Ийд ал-Адҳа) байрамларының көрсетилген күнлери бир күнге өзгериўи мүмкин.