Биринши күнниң тийкарғы итибары 2026-2027-жылларға мөлшерленген усыныс етилген Техникалық бирге ислесиў бағдарламасын додалаў ҳәм Агентлик жумысының әмелдеги нәтийжелерин көрип шығыўға қаратылды, деп хабар бермекте "Дунё" МА.

Өзбекстанның Вена қаласындағы халықаралық шөлкемлер жанындағы турақлы ўәкили Бахтиёр Ибрагимов шығып сөйледи. Ол өзиниң шығып сөйлеген сөзинде Өзбекстан АТЭХАның ядролық технологияларды тыныш мақсетлерде қолланыўды кеңейтиў бағдарындағы ҳәрекетлерин бәрқулла қоллап-қуўатлайтуғынын атап өтип, Техникалық бирге ислесиў ағза мәмлекетлерге олардың миллий тийкарғы бағдарларын әмелге асырыўда жәрдемлесиўдиң тийкарғы механизми сыпатында айрықша әҳмийетке ийе екенин атап өтти.

Усы мәниде, Өзбекстан ҳәм АТЭХА тәрепинен "2025-2027-жылларға мөлшерленген бирге ислесиў жол картасы," соның ишинде, ядролық медицина, радиациялық терапия, кадрлар таярлаў, нормативлик-ҳуқықый базаны беккемлеў ҳәм ядролық инфраструктураны раўажландырыў тараўларындағы жойбарларды әмелге асырыў бойынша биргеликтеги жумыслар сәўлелендирилди.

Сондай-ақ, Өзбекстан Агентликтиң тийисли басламаларын, соның ишинде, азық-аўқат қәўипсизлиги, денсаўлықты сақлаў ҳәм экологияға байланыслы бағдарларды буннан былай да алға қойыўдан мәпдар екени тастыйықланды.