Оның қурамына "Өзатом" агентлиги, Энергетика министрлиги ҳәм Санаат, радиация ҳәм ядро қәўипсизлиги комитетиниң басшылары кирди.
Тәреплер Өзбекстан экономикасының ҳәр қыйлы тармақларында, соның ишинде, энергетика, медицина ҳәм аўыл хожалығында ядро технологияларын қолланыў бойынша ерисилген нәтийжелер, әмелге асырылып атырған жойбарлар ҳәм режелерди көрип шықты.
ХАЭА ўәкиллери Өзбекстанның миллий ядролық бағдарламаны раўажландырыўда ерисип атырған жетискенликлери ҳәм атом энергиясынан тыныш мақсетлерде пайдаланыўды кеңейтиў ушын беккем тийкар жаратып атырған бул процессте ҳүкиметтиң белсене қатнасып атырғанын жоқары баҳалады.
Мәмлекетимиздиң узақ мүддетли энергетикалық қәўипсизлигин тәмийинлеўдиң стратегиялық элементи сыпатында баҳаланып атырған Өзбекстанда биринши атом электр станциясын қурыў жойбарына айрықша итибар қаратылды. Өзбекстан бул жойбарды табыслы әмелге асырыў ушын ХАЭА менен техникалық бирге ислесиўди кеңейтиўден мәпдар екенин тастыйықлады.
Сөйлесиўлер жуўмағында тәреплер келешектеги бирге ислесиў перспективалары бойынша пикир алысты ҳәм ядро технологияларын раўажландырыў тараўындағы сөйлесиў ҳәм биргеликтеги басламаларды даўам еттириўге таяр екенлигин тастыйықлады.
Өзбекстан атом энергетикасы мәселелери бойынша халықаралық форумларда белсене қатнасыў, тынышлық атомынан пайдаланыўдың қәўипсизлиги ҳәм нәтийжелилигин тәмийинлейтуғын алдынғы шешимлерди енгизиў нийетинде.
