Бул Президенттиң 2025-жыл 13-февральдағы қол қойылған нызамында нәзерде тутылған.
Оған бола, усы нызамның 233-статьясына киргизилген қосымшаға бола, буннан былай екшемби ҳәр жылғы мийнет дем алысы ўақты ушын ҳақы төлеўде есапқа алынбайды. Бул жаңалық пайдаланылмаған мийнет дем алыслары ушын пуллы компенсацияларға да енгизиледи.
Буннан тысқары, нызамға киргизилген жаңа өзгерис пенен мийнет ҳақысыз дем алыстың даўамлылығы 12 айлық мүддет ишинде жәми үш айдан артпаўы керек екенлиги белгиленди.
Сондай-ақ, жаңа өзгериске бола, 16 жасқа шекемги майыплығы болған баланың ямаса 12 жасқа шекемги еки ҳәм оннан артық баланың ата-анасы ямаса қәўендерине ис ҳақысы сақланбайтуғын дем алыс көби менен 14 календарь күнге шекем бериледи.
Соның менен бирге, 18 жасқа шекемги шахсларға орынбасарлық тийкарында ислеўге жол қойылмайды. Егер орынбасардың тийкарғы жумысы қолайсыз мийнет шараятлары менен байланыслы болса, сондай шараятлардағы жумысларда ислеўге (денсаўлықты сақлаў системасы шөлкемлериниң хызметкерлери буған кирмейди) де жол қойылмайды.
