Атап өтилиўинше, Жынаят кодексиндеги электр, ыссылық энергиясы, газ, водопроводтан пайдаланыў қағыйдаларын бузыў ушын белгиленген жәрийма муғдары арттырылмақта. Белгиленген ҳәкимшилик жазалаўдан соң қайтадан исленген ҳуқықбузарлық ушын жаза күшейтилмекте.
Сондай-ақ, Ҳәкимшилик жуўапкершилик ҳаққындағы кодекстиң бир неше статьяларына қосымша ҳәм анықластырыўшы нормалар киргизилмекте.
Соннан:
Жеке тәртиптеги исбилерменлердиң жуўапкершилиги анық белгилеп қойылмақта;
Газ ҳәм электр энергиясынан бийпарық пайдаланыўға байланыслы ҳуқықбузарлықлар ушын жәриймалар арттырылмақта;
Қадағалаўшы уйым - Өзэнергоинспекцияның ўәкилликлери анықластырылмақта;
Ишки ислер уйымлары ҳәм Айрықша жағдайлар министрлиги хызметкерлерине тийисли ўәкилликлер берилиўи нәзерде тутылмақта.
Нызам жойбарының мақсети - энергия ресурсларынан ақылға уғрас пайдаланыў, олардың парықсыз жумсалыўына шек қойыў ҳәм нәтийжелиликти арттырыў болып есапланады, - делинеди хабарда.
