Бул нызам жойбары менен төлем системалары операторлары ҳәм төлем шөлкемлериниң жумыс тараўларында, сондай-ақ, мәмлекетлик шөлкемлерди меншиклестириўде акционерлик жәмийетлерин шөлкемлестириўдиң ҳәм олардың ҳуқықый жағдайының өзине тән өзгешеликлери, төлем терминалы, виртуал төлем терминалы, антифрод системасы ҳәм олардың мазмун-мәниси ҳаққындағы түсиниклер нызамшылықта белгиленбекте.
Соның менен бирге, лицензиялаў процесслерин және де қысқартыў ҳәм банклердиң төлем хызметлери базарында жумысын және де хошаметлеў мақсетинде банклердиң төлем системасы операторы сыпатында жумысын баслаў ушын хабардар етиў тәртиби енгизилмекте.
Жойбар менен әҳмийетли төлем шөлкемлери түсиниги киргизилмекте, бул категориядағы шөлкемлер тәрепинен үзликсиз хызмет көрсетилиўин тәмийинлеў мақсетинде олардың төлем системасының қатнасыўшысы болыўы ушын ҳуқықый тийкар жаратылмақта. Атап айтқанда, төлем системаларының операторлары финанслық инфраструктурада үлкен әҳмийетке ийе екенин есапқа алып, төлем операцияларының нәтийжелилиги ҳәм исенимлилигин буннан былай да тәмийинлеў мақсетинде олардың тийкарғы функциялары белгиленбекте.
Төлем системасы операторлары ҳәм төлем шөлкемлери тәрепинен пуқараларға онлайн хызметлер көрсетиўде техникалық қорғаў усылларын жетилистириў, антифрод системаларын енгизиў нәзерде тутылмақта.
Мәжилисте нызам жойбары депутатлар тәрепинен биринши оқыўда қабыл етилди.
