Ҳүжжет Президенттиң 30.01.2025-жылдағы "Өзбекстан - 2030" стратегиясын "Қоршаған орталықты қорғаў ҳәм "жасыл экономика" жылында әмелге асырыўға байланыслы мәмлекетлик бағдарлама ҳаққында"ғы ПП-16-санлы Пәрманына муўапық ислеп шығылған.
Реже төмендегилерди нәзерде тутады:
илимий изертлеўлер ушын зәрүр болған әсбап-үскенелер, жумсаў материаллары ҳәм комплектлеўши бөлеклерге болған талапты үйрениўди системаластырыў;
илимий жумысты әмелге асырыўшы шөлкемлердиң буйыртпалары бойынша сатып алыўларды еркин ҳәм орайласқан түрде әмелге асырыў;
Жоқары билимлендириў, илим ҳәм инновациялар министрлиги ислеп шығыўы керек болған Бирден-бир электрон платформа арқалы илимий лаборатория үскенелерине болған буйыртпаларды қәлиплестириў, усыныў, қабыл етиў, көрип шығыў ҳәм есапқа алыўды әмелге асырыў.
Сатып алынған лаборатория үскенелеринен пайдаланыў ушын маман кадрлар болмаған жағдайда, 40 жасқа шекемги хызметкерлер маманлығын арттырыў мақсетинде еки ҳәптеге шекем жетекши сырт ел илимий шөлкемлерине стажировкаға жибериледи.
Қәрежетлер Илимди қаржыландырыў ҳәм инновацияларды қоллап-қуўатлаў қорының қаржылары есабынан әмелге асырылады. Онда, сатып алыўлар илимий жумыстың төмендеги бағдарлары шеңберинде еки түрде (орайласқан мәмлекетлик сатып алыўлар ямаса еркин сатып алыўлар) әмелге асырылады:
мәмлекетлик илимий бағдарламалар шеңберинде әмелге асырылатуғын фундаментал ҳәм әмелий изертлеўлер;
тастыйықланған бағдарлама шеңберинде анық темалар бойынша мәмлекетлик бюджеттен қаржыландырылатуғын илимий-изертлеў жойбарлары;
еки ямаса оннан артық докторантлардың диссертациялары.
Ҳүжжет Нызамшылық мағлыўматлары миллий базасында жәрияланған ҳәм 18.02.2026-жылдан күшке кирди, деп жазады «Norma».
