Бул ҳаққында Экономикалық изертлеўлер ҳәм реформалар орайының таллаўында мәлим етилди.
Июнь айының жуўмағы бойынша 21 мың алды-сатты келисимлери дизимнен өткерилип, өткен жылдың усы дәўирине салыстырғанда 3,7 процентке өсти.
Аймақлық динамика
2025-жылдың биринши ярым жыллығында аймақларда көшпес мүлк базарында турақлы өсиў бақланбақта. Алды-сатты шәртнамаларында ең жоқары өсиў Жиззақ (29,9 процент), Наўайы (18,3 процент) ҳәм Сурхандәрья (17,7 процент) ўәлаятларында атап өтилди.
Соның менен бирге, Ташкент ўәлаятында келисимлер көлеми бираз азайғаны (2,6 процент) бақланды.
Екилемши көшпес мүлк базары
Июнь айында екилемши базарда турақ жайлардың орташа баҳасы өткен айға салыстырғанда 0,3 процентке артты. Жыллық есапта өсиў 1,8 процентти қурады.
Аймақлар кесиминде, июнь айында Жиззақ ўәлаятында турақ жай баҳалары бираз төменлегени (-1,3 процент) не қарамастан, жыллық өсиў пәти бойынша жетекшилик етпекте (11,7 процент). Соның менен бирге, жыллық есапта унамлы динамика Сурхандәрья (10,9 процент), Қарақалпақстан Республикасы (9,3 процент), Хорезм (7,3 процент) ҳәм Наманган (7,1 процент) ўәлаятларында атап өтилди.
Ташкент қаласында көшпес мүлк базарындағы жағдай
Ташкент қаласында екилемши турақ жайдың орташа баҳасы өткен жылдың сәйкес дәўирине салыстырғанда 4,8 процентке төменлеп, жаңадан қурылған турақ жайлардың баҳалары болса бираз азайды (1,6 процент).
Өткен жылдың июнь айынан берли пайтахттағы екилемши турақ жай баҳаларында ең үлкен төменлеў Мырза-Улығбек (-7,6 процент), Яшнабад (-7,3 процент) ҳәм Чиланзар (-6,9 процент) районларында бақланды.
Бирлемши турақ жай баҳаларында ең үлкен төменлеў Учтепа (-9,7 процент), Юнусабад (-8,8 процент) ҳәм Шайхонтоҳур (-7,7 процент) районларында атап өтилди.
Ташкентте турақ жай ижара базары анализи
Июнь айында Ташкент қаласында ижара баҳаларының турақлылығы бақланды. Орташа ижара баҳасы өткен айдағы көрсеткишти сақлап қалды ҳәм бир квадрат метр ушын 8,1 долларды қурады.
Пайтахтымыздың Мирабад, Шайхонтоҳур ҳәм Яккасарай районларында ижара баҳасы салыстырмалы жоқарылығынша қалмақта. Бул районларда ижара баҳасы бир квадрат метр ушын орташа 10,3 долларды қурады.
Жыллық есапта орташа ижара баҳалары 2,6%ке төменледи. Ең сезилерли төменлеў Учтепа, Яшнабад ҳәм Чиланзар районларында атап өтилди.
