Атап айтқанда, пайтахттың тийкарғы ҳәм бас аршасы Әлийшер Наўайы атындағы Өзбекстан Миллий китапханасының алдындағы майданда жайластырылды.
Ташкент қаласы ҳәкимлиги мәлимлеме хызметиниң мағлыўматына қарағанда, жумысшы топар қаланың бас аршасын орнатыў жумыслары жедел алып барылып атырған майданды көзден өткерди. Конструкцияны орнатыў процесин жеке бақлап, пайдаланылып атырған материаллардың сапасын баҳалады ҳәм жуўапкер қәнигелер менен жумысларды жуўмақлаўдың тийкарғы басқышларын додалады.
Бас арша қала халқын ҳәм мийманларын өзине тартып, қолайлық ҳәм сыйқырлы орталық жарататуғын байрам илажларының орайына айланады.
Бас аршаның бийиклиги 35 метр болып, оның әтирапында 4 дана 8 метр бийикликтеги киши аршалар бар. Бир үлкен ҳәм 4 киши аршаға 33 мың ойыншық илдирилген. Аршалар 14 мың метр шырақлар менен безетилген. Майданда 300 ге шамалас қосымша декоратив элементлер де бар.
Илажларды барлық халық ушын қәўипсиз ҳәм қолайлы тәризде шөлкемлестириў әҳмийетли екенлиги атап өтилди. Қәўипсизлик илажларын күшейтиў, сондай-ақ, дем алыў ҳәм кеўилашар аймаққа еркин кириўди тәмийинлеў режелестирилмекте.
Бас аршаның рәсмий ашылыўы 25-декабрьге режелестирилген.
