Mangold Consulting GmbH - Германияның халықаралық консалтинг компаниясы болып, Европа ҳәм Орайлық Азия мәмлекетлери арасында инвестициялық жойбарларды раўажландырыў, стратегиялық консалтинг ҳәм исбилерменлик байланысларын кеңейтиўге қәнигелескен.
Сөйлесиўлер ўақтында тәреплер Өзбекстан ҳәм Германия арасындағы саўда-экономикалық бирге ислесиўди кеңейтиў, инвестициялық жойбарларды әмелге асырыў ҳәм санаатта жаңа қоспа басламаларды ислеп шығыўға Европа компанияларын тартыў мәселелерин додалады.
Ушырасыў жуўмағында исбилермен топарлар арасындағы байланысларды буннан былай да раўажландырыў ҳәм биргеликтеги инвестициялық жойбарларды алға қойыў бойынша әмелий бирге ислесиўди даўам еттириўден еки тәреп те мәпдар екени тастыйықланды.
