Өзбекстан жәмәәти Сибирь пайтахтының турғынлары ҳәм
мийманларына "Сибирь тарлары" жетинши халықаралық халықаралық саз
әсбаплары оркестрлери ҳәм ансамбллери фестивалы шеңберинде Новосибирск
қаласының түрли майданларында өз шеберлиги бойынша әжайып шығыўлар менен бирге,
Мәмлекетлик филармония имаратында пүткиллей өзбек миллий музыка көркем өнерине
бағышланған бийтәкирар гала-концертин берген бирден-бир жәмәәт болғанын айрықша
атап өтиў керек, деп жазады "Дунё" МА.
Салтанатлы кеше қатнасыўшыларын республикалық ҳәм
халықаралық таңлаўлардың лауреатлары Мафтунабону Маҳмуджонова (дуўтар),
Нодиржон Абдуллажонов (чанг), Шоҳрух Абдуллаев (қашқар рубобы), Қобил
Пазлиддинов (ғижжак) ҳәм басқа да көплеген сазенделердиң жеке атқарыўлары,
"Новбаҳор" ансамблиниң көплеген тамашагөйлер итибарына өзбек миллий
аяқ ойынларын инам еткен жоқары дәрежедеги аяқ ойын шеберлиги таң қалдырды.
Өзбек миллий классикалық шығармаларынан тысқары белгили рус,
аргентина ҳәм япон композиторларының намаларын да атқарған дирижёр Шерзод
Шавриков басшылығындағы халық сазлары оркестриниң теңсиз шеберлиги бул кеше
жыйналғанларды айрықша қуўандырды.
Өзбекистан халық саз-әсбаплары мәмлекетлик академиялық
оркестри өзбек халық ҳәм классикалық саз-әсбапларын атқарыўшы мәмлекеттиң
жетекши музыкалық жәмәәти екенлигин айрықша атап өтиў зәрүр. Дәстүрлерди сақлаў
мақсетинде шөлкемлестирилген оркестр рубаб, дуўтар, шаң, най ҳәм басқа да
көплеген миллий саз әсбапларының өзине тән ҳаўазы менен белгили.
"Өзбекстан мәмлекетлик академиялық халық саз әсбаплары
оркестри күни"ни өткериў шеңберинде өзбек жәмәәти Новосибирск жәмийетшилиги
ушын бир неше дөретиўшилик ушырасыўлар ҳәм шеберлик сабақларын өткерди, оларда
өзбек саз әсбапларының жаңлаў өзгешеликлери, оларды шертиў шеберлиги, өзбек миллий
музыка мектебиниң тарийхы ҳәм дәстүрлери менен таныстырылды.
Өз гезегинде, Новосибирск қаласындағы Бас консуллық
тәрепинен елимиздиң тарийхы, мәденияты, дәстүрлери, үрп-әдетлери ҳәм өнерментшилигинен
дәрек беретуғын, миллий усылда безелген көргизбе өзбек музыкасы ҳәм көркем
өнериниң барлық ықласбентлеринде қызығыўшылық оятты.
