"Дунё" МАның хабар бериўинше, бул рейс пенен Қытайдың жетекши “Guangzhou GZL” компаниясының жәрдеминде қәлиплестирилген ҳәм 30 дан аслам жергиликли туристлерди өз ишине алған биринши топар Өзбекстанға жөнеп кетти.
Қытайлы туристлер тиккелей пәрўазлар, енгизилген визасыз режим, Өзбекстанның бай мәденияты, тарийхы ҳәм миймандослығы менен танысыў ушын әжайып имканият жарататуғынын және Самарқанд, Бухара ҳәм Хийўа сыяқлы әййемги қалаларға саяхат етиўди аңсатластыратуғынын атап өтти.
Жаңадан ашылған Гуанчжоу - Ташкент жөнелиси бойынша авиақатнаўлар Өзбекстан-Қытай аймақлараралық байланысларды раўажландырыў, өз-ара экономикалық, мәдений ҳәм туристлик алмасыўларды жеделлестириўге хызмет етеди.
