Халқымыз аўыл хожалығы хызметкерлерин, соның ишинде дийқан, шарўа ҳәм бағманларды қолы ашық, сақый инсанлар сыпатында айрықша қәдирлейди. Ана-жер менен тиллесип, оған меҳир берип өскенликтенбе, олар өзлериниң ашық кеўли ҳәм сақыйлығы менен басқа кәсип ийелеринен ажыралып турады. Елимиз базарларындағы сапалы аўылхожалығы өнимлери усы дийқанларымыздың ислеген мийнетиниң жемиси болып табылады. Оларға қанша ҳүрмет-иззет көрсетип, миннетдаршылық билдирсең де аздай туйылады.
