Кеңсе қызметкерлерінің көпшілігі бас ауруы, созылмалы шаршау, көздің қышуы немесе қызаруы, арқа мен буындардың ауырсынуына, іштің желденуі және аяқтың тартылуы проблемаларынан шағымданады. Бұл жағдай қазіргі медицинада «кеңсе қызметкерінің синдромы» деп аталады.
Әрине, бұл мәселе өздігінен туындамайды. Әсіресе, қызмет көрсету талабына байланысты бір орында отырып жұмыс істейтіндердің қозғалысы жоқтығынан. Дене қозғалысы баяу болған кезде ағзадағы қан айналымы қалыпты емес екенін білеміз. Нәтижесінде адам артық салмақ пен семіздікке ұшырайды.
Сондай-ақ, қозғалмайтын күйде ұзақ отырғанда (көбінесе еңкею), буындар «қатып» қалады. Қанмен қамтамасыз ету толық болмағандықтан, аяқтар ұйып қалады. Сонымен қатар, бұл жағдай кистоздық түйіндердің пайда болуына, жамбастың ауруы және күре тамырда варикоздың кеңеюіне әкеледі.
Сонымен қатар, ұзақ уақыт бір орында отыру және компьютердің алдында отырып жұмыс істеу салдарынан денеде тағы бір мәселе пайда болады — құрғақ көз синдромы. Нәтижесінде көздің қызаруы (ашуы, жасаурау) жағдайы жиі байқалады.
Сонымен, мұндай проблемалардан құтылу үшін қандай ұсыныстарды орындау қажет?
Ең алдымен, бөлмеде үстелдің, орындықтың және компьютердің дұрыс орналасуына назар аудару керек. Арқа мен мойынның ауырсынуын болдырмау үшін компьютер мониторын көздің деңгейінде орнату және орындықтың белге жәрдем беретін артқы жағына назар аудару қажет.
Әрбір кеңсе қызметкері жұмыс уақытында (мүмкіндігінше әр екі сағат сайын) 5-10 минуттық үзіліс жасағаны жөн. Бұл уақытта бірнеше рет отыру және тұру, денені жанына қарап бұру, басты сағат тілімен айналдыру, лифттің орнына баспалдақпен жүру ұсынылады.
Белдегі ауырсынудан қорғануда орындықтың артқы жағына арнайы ортопедиялық жастық орнатқан жөн. Тіпті мұндай жастықтар ортопедтен зардап шегетін адамдарға да ұсынылады.
Мойын бұлшықеттеріне арналған жаттығуларды әр екі сағат сайын орындау, мойын остеохондрозының алдын алу болып саналады. Әсіресе мойын мен кеудеде ауырсыну пайда болғанда жаттығулар жасау пайдалы.
Кеңсе қызметкерлері үшін тізе буындарының бір бүгілген немесе жазған күйде тұрып қалуы нәтижесінде оның дренаждық қызметі мен азықтануы бұзылады. Нәтижесінде артроз-буын ауруы пайда болады. Сондықтан аяқтың қалпын өзгертіп, отырғанда алға-артқа велосипед қимылдарын жасап, терең дем алып отыру және түрлі жаттығулар жасауп тұру қажет.
Компьютерге ұзақ қарау көзді ашытады, оларды оңға, солға, жоғары-төмен жылжытып, жиі-жиі жұмып, ашу өте пайдалы. Компьютер алдында ұзақ отырмау, көздің шаршауын болдырмау үшін әр 20 минут сайын 6 метр қашықтыққа 20 секунд қарап тұру маңызды.
