Акиф Азалп лақап атымен танылған ақын Нахичеванда туған, алайда өмірінің көп бөлігін Өзбекстанда өткізіп, шығармашылықпен айналысқан. Әзербайжан халқын өзбек әдебиетімен жақын таныстыруда айрықша еңбек сіңіріп келеді. Ол көптеген өзбек ақындары мен жазушыларының шығармаларын әзербайжан тіліне аударған. Соның ішінде жақында Сирожиддин Саййидтің «Уақыт мүсіні» кітабын аударды. Ақын халқымыздың даңқты тарихы мен соңғы жылдардағы Өзбекстанның жетістіктерінен, сондай-ақ Президент Шавкат Мирзиёевтің басшылығымен жүргізіліп жатқан реформалардан шабыттанып, «Өзбек келе жатыр» атты әйгілі дастанын жазды.

Кездесу барысында Акиф Багиров Президентке құрмет пен ризашылық белгісі ретінде өзінің әзербайжан тілінде жазған «Шавкат Мирзиёев феномені» кітабын тарту етті.

Кітапта саясаттанушы Қудратилла Рафиқовтың «Менің Президентім» және «Ұлтжанды» кітаптарынан таңдалып, ақын әзербайжан тіліне аударған публицистикалық эсселері орын алған. Ол еңбекте Өзбекстанда Президенттің жетекшілігімен жүзеге асырылып жатқан реформалар мен өзгерістер қамтылған. Сондай-ақ, Шавкат Мирзиёевтің саясатының негізгі бағыттары, оның ішінде экономикалық даму, инфрақұрылымды жаңғырту, әлеуметтік саланы жақсарту және Өзбекстанның халықаралық аренадағы беделін нығайту мәселелері көрсетілген.

Мемлекет басшысы ақынға өзбек әдебиетін Әзербайжанда кеңінен насихаттап, екі ел арасындағы мәдени байланыстарды нығайтуға қосқан үлесі үшін алғыс айтты.