Бұл саланы заман талабына сай дамыту шарасы қабылдануда. Электр энергиясын өндіру, жеткізу және тарату процестері жеке компанияларға бөлініп, инвестиция тарту мүмкіндіктері жасалды. Соңғы бес жылда электр энергиясын өндіруге 4 миллиард 300 миллион доллар инвестиция тартылып, 5,7 гигаватт жаңа қуат көзі іске қосылды.

Саладағы төрт кәсіпорын – «Өзбекстан ұлттық электр желілері», «Өңірлік электр желілері», «Жылу электр станциялары» және «Узбекгидроэнерго» акционерлік қоғамы халықаралық кредиттік рейтинг алуға қол жеткізді. Келесі қадам – трансформация арқылы бәсекеге қабілетті компанияларға айналу. Бұл электр энергиясын тұтынушыларға кепілдендірілген жеткізу үшін де, инвестицияларды өздігінен тарту үшін де басты фактор саналады.

Жиналыста осы бағыттағы шаралар талқыланды. Әрбір энергетика кәсіпорнының басты міндеті – өнімнің өзіндік құнын төмендету екені атап өтілді. Бұл жобаларды оңтайландыру, шығындарды азайту және сатып алуларды жетілдіру арқылы жүзеге асырылатыны айтылды.

Тарату желілерін жекеменшік әріптестік негізінде инвесторларға тапсырып, оларды жаңғыртуға 4 миллиард доллар инвестиция тартуға болады. Осы мақсатта келесі жылы Самарқанд, Жызақ және Сырдариядағы желілерді басқаруға жекеменшік операторларды тарту жоспарлануда.

Өткен жылы қабылданған энергетикада бәсекелестік нарығын құру тұжырымдамасы аясында сала кәсіпорындарының трансформациясын жеделдету және оларға заманауи басқару жүйесін енгізу бойынша нұсқаулар берілді.

Келесі жыл энергетика кәсіпорындары үшін үнемділік пен тиімділік жылы болатыны нақты белгіленді. Сала компанияларын төменгі деңгейге дейін трансформациялау және цифрландыру міндеті қойылды.

Жауапты мамандар осы кәсіпорындарда шығындарды тиімді басқару бойынша жоспарларын баяндады.