Статистика агентлиги январь-сентябрь ойларида Ўзбекистонга қанча хорижий сайёҳлар ташриф буюрганини маълум қилди.
Статистика агентлиги маълумотларига кўра, 2024 йилнинг январь сентябрь ойларида жами 5,7 млн нафар чет эл фуқаролари туристик мақсадларда Ўзбекистон Республикасига ташриф буюрган.
Ўзбекистон Республикасига туристик мақсадларда келган чет эл фуқаролари сони йиллар кесимида қуйидагича:
— 2020 йил — 1,4 млн нафар;
— 2021 йил — 1,1 млн нафар;
— 2022 йил — 3,6 млн нафар;
— 2023 йил — 4,9 млн нафар;
— 2024 йил (январь сентябрь) — 5,7 млн нафар хорижий сайёҳлар Ўзбекистонга ташриф буюрган.
Шу йилнинг январь-октябрь ойларида Ўзбекистонга туристик мақсадларда келган чет эл фуқаролари сони ўтган йилнинг мос даври билан солиштирилганда 951,3 минг нафарга ёки 17,2 % га ошган.
Ўзбекистон Республикаси Президенти ҳузуридаги Статистика агентлиги маълумотларига кўра, 2024 йилнинг 1 октябрь ҳолатига кўра, республикамизнинг доимий аҳолиси 37,4 млн кишини ташкил этган.
