Ушбу пресс-тур давомида Беларус халқи учун Ўзбекистоннинг туризм салоҳияти ва бой маданий мероси ҳақида маълумот берувчи материаллар тайёрлаш ҳамда қисқа метражли фильмларни (видеоролик) суратга олиш режалаштириляпти.
Маълумот учун пресс-тур қатнашчиларининг ижтимоий тармоқлардаги умумий аудиторияси 10 миллион нафардан ошиқ бўлиб, улар «Беларус 1» телеканалининг «Добрай ранісы Беларус» (Хайрли тонг Беларус) дастури, «БелТА» агентлиги, «СБ.Беларус сегодня» нашриёт уйи, «Tochka.by» интернет портали ҳамда «Artem Pool 4» Интернет-ресурсларининг етакчи продюсер, мухбир ва муҳарриридан иборатдир.
Пресс-тур жорий йил 20-27 апрель кунлари мамлакатимизнинг Самарқанд, Бухоро, Тошкент вилоятлари ва Тошкент шаҳри бўйлаб ташкил этилади.
Мазкур делегация учун мамлакатимизга ташкил этилаётган пресс-турдан кўзланган мақсад – Ўзбекистон ва Беларус Республикаларининг ўзаро икки томонлама ҳамкорлик алоқаларини инобатга олган ҳолда, хусусан, Ўзбекистон Ҳаво йўллари ва Белавиа авиакомпанияларининг икки давлат ўртасида мунтазам авиақатновларни йўлга қўйилганлигидан келиб чиқиб, Ўзбекистоннинг Беларус Республикасида кенг тарғиб қилиш орқали Беларус сайёҳлар оқимини Ўзбекистонга кўпайтиришдир, деб хабар беради Маданият ва туризм вазирлиги матбуот хизмати.