Бугун ва дам олиш кунлари республика бўйича вақти-вақти билан ёмғир ёғади, баъзи жойларда кучли бўлади. 30 ноябрь — 1 декабрда айрим жойларда ёмғир қорга айланиши мумкин.

Ўзбекистоннинг тоғ олди ва тоғли ҳудудларида 29 ноябрь — 1 декабрда сел-сув тошқин ҳодисалари юзага келиши мумкин.

Республика ҳудуди бўйича ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин.

Ҳаво ҳарорати аста-секин пасаяди. Кечаги 20-23^о даража илиқдан сўнг, бугун кундузи ҳарорат 10-15^о даража илиққача, якшанба куни эса 3-8^о даража илиққача пасаяди.

Республиканинг айрим жойларида шамол тезлиги 13-18 м/с гача кучайиши мумкин.

Пойтахтимизда: 29 ноябрь — 1 декабрь кунлари вақти-вақти билан ёмғир ёғади. 1 декабрда ёмғир қорга айланиши эҳтимоли бор. Бугун кундузи ҳарорат 13-15^о даража илиқ, эртага 30 ноябрда 7-9^о даража илиқ, якшанда куни 1 декабрда 5-7^о даража илиқ бўлади.

Ҳарорат асосан кечалари 5-7^о даража илиқ бўлади. Шарқий шамол йўналишини ўзгартириб, ғарбдан бироздан ўртача тезликгача эсади.