«Ўзбекнефтгаз» АЖ Газли нефть ва газ қазиб чиқариш бошқармасининг ҳудудларида, шу жумладан, «Газли» газни қайта ишлаш заводида мобил алоқа тизими талаб даражасида эмас эди.
«Ўзбекнефтгаз» АЖнинг доимий ҳамкори саналган «Ўзбектелеком» АЖнинг «UZMOBILE» компанияси томонидан «Газли» газни қайта ишлаш заводига 4G алоқа тармоғи ўрнатилиб, сифатли алоқа тизими йўлга қўйилди.
Ҳудудий менежер Ортиқбой Рўзметовнинг маълум қилишича, синов натижаларига кўра, алоқа сифати яхшиланиб, энди бу ерда ҳам юқори тезликдаги Интернет хизматлари ва сифатли алоқа хизматидан фойдаланиш имкони яратилди.
«Ўзбекнефтгаз» АЖ Матбуот хизмати
