Жаҳон соғлиқни сақлаш ташкилоти сайёрамиз аҳолиси ўртасида кекса ёшли кишилар улуши билан боғлиқ таҳлилий маълумотларни эълон қилди.
Унда қайд этилишича, дунёда одамларнинг ўртача умр кўриш кўрсаткичи йил сайин ошиб бормоқда. Хусусан, 2030 йилга келиб, 60 ва ундан катта ёшли одамлар Ер юзи аҳолисининг олтидан бир қисмини ташкил қилиши кутиляпти.
Масалан, 2020 йилда улар сони 1 миллиард нафардан иборат эди. 2030 йилда бу кўрсаткич 1,4 миллиард кишига етиши прогноз қилинган.
Экспертлар хулосасига кўра, ушбу таҳлиллар жаҳон бўйича аҳоли таркибида кексалар улуши ошиб бораётганини тасдиқлайди. Мазкур жараён, айниқса, тараққий этган мамлакатларда тезлашган.
Масалан, Японияда 60 ёшдан ошган одамлар аллақачон аҳолининг 30 фоизини ташкил қилмоқда.
Паст ёки ўрта даромадли мамлакатларда ҳам 2050 йилгача 60 ёшдан катталар аҳолининг учдан икки қисмига етиши тахмин қилинмоқда.
