Бу ҳақда Жанубий Кореянинг Чунг Анг университети олимлари маълум қилди.

Мутахассислар Кореядаги Health Examinees тадқиқотида қатнашган 40-69 ёшдаги 115 726 нафар иштирокчи маълумотларини таҳлил қилишди. Эркакларда кунига 1-3 порция кимчи истеъмол қилиш ортиқча вазнинг камайишига ёрдам берди. Бундан ташқари, кимчи-бэчу (карамли кимчи) ни энг кўп истеъмол қилган эркакларда қорин чиқиш эҳтимоли 10 фоизга камроқ бўлган. Оқ турпдан тайёрланган кимчини истеъмол қилган эркакларда бу 8 фоизга, аёлларда эса 11 фоизга камайган.

Шунга қарамай, олимлар кимчини ортиқча истеъмол қилмасликни тавсия этишди, деб хабар беради lenta.ru.