Навоий вилояти ҳокимлиги тантаналар залида Ўзбекистон Республикаси мустақиллигининг 33 йиллиги муносабати билан Президент Фармонига кўра, ўзларининг муносиб меҳнатлари учун ватанимизнинг юксак мукофотларига, орден ва медалларига сазовор бўлган бир гуруҳ ҳамюртларимизни муборакбод этиш ҳамда уларга ушбу мукофотларни топшириш маросими бўлиб ўтди.

Навоий вилояти ҳокими Нормат Турсунов давлат мукофотлари билан тақдирланганлар билан учрашиб, барча соҳаларда ислоҳотларни муваффақиятли амалга ошириб, халқимиз фаровонлигини таъминлаш борасидаги кўп йиллик самарали меҳнати, ижтимоий ҳаётдаги фаоллиги учун тақдирланганларга орден ва медаллар, вилоят ҳокимлигининг фахрий ёрлиғи ҳамда эсдалик совғаларини тантанали топширди.