Март ойи сўнгида Аргентина ҳукумати фуқароларга COVID-19га қарши вакцинанинг биринчи дозасини қўллашга қарор қилди. Иккинчи дозани қўллашни эса уч ойдан кейинга қолдирди. Шу йўл билан ҳокимият дунёда коронавирусга қарши вакцина етишмаётган бир пайтда имкон қадар кўп кишини эмламоқчи бўлган.
Аргентина ҳукумати матбуот хизмати тадқиқот натижалари бўйича «228 нафар кўнгилли иштирок этган Спутник V» вакцинасига иммун жавоб таҳлили уларнинг 94 фоизида биринчи дозадан кейин антитаначалар пайдо бўлишини кўрсатган», — деган хулосани келтиради.
Тадқиқотда «Таҳлил шуни кўрсатадики, аввал касаллик юқтирган ва «Спутник V» вакцинасидан бир дозада эмланганларда касалланмасдан туриб икки дозада эмланган кўнгиллиларга нисбатан 4,6 баравар кўп антитаначалар аниқланган», — дейилади.
Шунингдек, 60 ёшга етмаган 96 фоиз одамларда бир дозада эмлангандан 21 кун ўтиб антитаначалар пайдо бўлган. 60 ёшдан юқори одамларда эса ушбу кўрсаткич 89 фоизни ташкил этади, деб хабар беради РИА Новости.