Энергетика вазирлиги ахборот хизматининг хабар беришича, 2022 йилнинг ўтган 7 ойи давомида олиб борилган модернизация ишлари натижасида юқори кучланишли 6 та подстанция қуввати қўшимча 591 МВА (мегавольт ампер)га оширилди.
Бунинг натижасида Сурхондарё, Самарқанд ва Жиззаҳ вилоятлари ҳамда Тошкент шаҳридаги юқори кучланишли подстанцияларнинг қувват ўтказиш қобилияти яхшиланди.
Хабарда таъкидланишича, йил якунига қадар яна 5 та подстанцияда (1025 МВА) қувват оширилади. Натижада республикамиздаги 7 та вилоят ҳамда Тошкент шаҳридаги жами 11 та подстанцияда 1 616 МВА қувват оширилишига эришилади.
