Табиатнинг энг гўзал инъоми бу албатта гул десак хато қилмаган бўламиз. Гуллар барча замонлар оша доим энг яхши туҳфа, туйғулар изҳори, хонадонимиз кўрки, яхши кайфият манбаи бўлиб келган.
Айниқса, бойчечак кўкламнинг даракчиси саналанади. Бироқ баҳор келишига ҳали эрта бўлсада, у қор остидан бош кўтариб чиқа бошлайди.
Шу кунларда Қашқадарёнинг бир неча туманида бойчечак гуллади. Бу ҳақда туман ҳокимликлари расмий каналларида хабар берилди.
Маълумотларга қараганда, Деҳқонобод тумани Бойқўрғон қишлоғи ҳамда Чироқчи тумани Тарғай қишлоғида бойчечаклар очила бошлаган. Бу гўзал манзара эса одамларда хуш кайфият уйғотган.
