Ушбу тантанали маросимда мамлакатимиз спорт делегацияси ҳам иштирок этди. Спортчиларимиз хоразмча қўшиқ садоси остида саҳнага чиқиб келишди.

Очилиш маросимида Ўзбекистон байроқдори бўлишдек шарафли вазифа эса юнон-рум кураши бўйича 5 карра мамлакат чемпиони, Озарбайжон, Қозоғистон, Хорватияда бўлиб ўтган халқаро турнирлар совриндори, I МДҲ ўйинлари кумуш медали соҳиби Муҳаммадқодир Расуловга ишониб топширилди.

I МДҲ ўйинларида 9та давлат, яъни Арманистон, Озарбайжон, Молдова, Беларус, Қозоғистон, Қирғизистон, Тожикистон, Ўзбекистон ҳамда мезбон Россия Федерацияси спорт делегациялари 182 та медаллар жамланмаси учун баҳсларга киришган.

Маълумот учун: I МДҲ ўйинларида мамлакатимиз спортчилари мусобақа дастуридаги 17та спорт туридан 15тасида иштирок этяпти, деб хабар беради Туризм ва спорт вазирлиги матбуот хизмати.