24 апрел куни Silk Avia авиакомпанияси Тошкент-Самарқанд-Тошкент йўналиши бўйича "AТР 72-600" самолёти бортида ўзининг илк, тарихий кўргазмали парвозини амалга оширди.
“Минтақавий авиакомпания Ўзбекистонда нафақат аэропортлар тармоғини ривожлантириш, балки туризмни ривожлантириш ва ишбилармонлик фаоллигини рағбатлантириш бўйича катта механизмнинг асосий қисми ҳисобланади.
Бу улкан механизмни ҳаракатланишига имкон берувчи муҳим кичик тафсилот. У ҳудудларни бир-бирига боғлаш, йўловчиларни A нуқтадан Б нуқтага ўз вақтида, тез ва арзон етказиб бериш функцияларини ўз зиммасига олади. Буни, масалан, Тошкентдан Урганчга учиб, йўлда Самарқанд ёки Бухорода тўхтаб, йўловчиларни қолдириб, олиб кетувчи ҳаво таксиси деб аташ мумкин.
Биз Ўзбекистонни боғловчи авиакомпанияни яратдик, бу билан масофалар қисқаради, одамлар эса яқинроқ бўлади”, — деди Uzbekistan Airports раҳбари.
Тошкент аэропортида Ўзбекистон ва унинг марварид шаҳарларига бағишланган хитлар янгради. Тантанали маросимдан сўнг меҳмонлар ва оммавий ахборот воситалари вакиллари Тошкент – Самарқанд йўналиши бўйича УС-131 кўргазмали рейсига йўл олишди.
Самарқандга етиб келган самолёт анъанавий тарзда сув аркаси билан, экипаж аъзолари эса карнай ва сурнай садолари остида гуллар билан кутиб олинди. Терминалда меҳмонларни байрамона ош кутиб турарди. Меҳмондорчиликдан сўнг рейс йўловчилари УС-132 рейси билан Тошкентга жўнаб кетишди.
Эслатиб ўтамиз, 20-апрель куни ҳаво оператори сертификатини олди ва тўрт кун давомида AТР инструкторлари томонидан авиакомпания экипажларини ишга тушириш учун техник парвозларни амалга оширди. 25 апрелдан бошлаб авиакомпания www.силк-авиа.cом веб-сайтида жойлашган тасдиқланган жадвалга мувофиқ мунтазам қатновларни бошлайди.
