«Ташаббусли бюджет»нинг жорий йилги 2-мавсуми якунларига кўра, ғолиб бўла олмаган 35 та лойиҳа учун қўшимча маблағ ажратилди.
Бу ҳақда Иқтисодиёт ва молия вазирлиги хабар бермоқда.
Халқ депутатлари туман (шаҳар) Кенгашлари томонидан ғолиб бўлмаган навбатдаги лойиҳаларни молиялаштириш учун маҳаллий бюджетнинг қўшимча маблағлари ҳисобидан 47 млрд 657 млн сўм ажратилиб, 35 та лойиҳа қўшимча равишда ғолиб деб топилди.
Маълумот учун: амалдаги тартибга кўра халқ депутатлари туман (шаҳар) кенгашларига маҳаллий бюджетнинг қўшимча маблағлари ҳисобидан қўшимча тарзда ғолиб лойиҳаларни эълон қилиш ваколати берилган.
Ижтимоий тармоқларда Жиззах давлат Педагогика университетида ҳамда Қизилтепа туманидаги тиббиёт ташкилотларида ходимларини мажбурий овоз бериш ҳолатлари юзасидан хабарлар тарқалди.
2024 йилги 2-мавсуми ҳамда 2025 йилнинг 1-мавсумида (иккита мавсумда кетма кет) ғолиб бўлган 823 та маҳаллага жорий йилги 2-мавсуми ҳамда 2026 йилги 1-мавсумида танаффус берилади.
