Бу ҳақда Тошкент шаҳар ҳокимлиги ахборот хизмати маълум қилди.
Таъкидланишича, фестиваль меҳмонлари қаҳва, салқин ичимликлар, какао, смузи ва бошқа муаллифлик ичимликларини татиб кўришлари мумкин бўлади.
Tea&Coffee Expo кўргазмасида Ўзбекистоннинг энг яхши қаҳва қовирувчиларидан қаҳва доналарини харид қилса бўлади. Фестиваль соҳанинг барча янгиликларини тақдим этиб, қаҳва дамлаш учун аксессуарларни ҳам намойиш этади. Янги иш бошлаган тадбиркорлар эса ўз қаҳвахонаси учун франшиза харид қилишлари мумкин.
Дастурдан семинарлар, маърузалар, маҳорат дарслари ва дегустациялар, бариста касби тўғрисида давра суҳбати ва бошқа кўплаб тадбирлар ўрин олган.
Фестиваль ташкилотчилари: Туризм ва маданий мерос вазирлиги, Тошкент шаҳар ҳокимлиги, Ўзбекистон Баристалар уюшмаси ва “Макон” телеканали.
