Жорий йилнинг 27 октябрь куни Ховос туманида яна битта Рақамли технологиялар ўқув маркази ташкил этилди. Марказнинг очилиш маросимида Ахборот технологиялари ва коммуникацияларини ривожлантириш вазирининг ўринбосари Қаҳрамон Юлдашев иштирок этди.
Марказ замонавий компьютер жиҳозлари ва юқори тезликдаги интернет тармоғи билан таъминланган бўлиб, ҳудуд ёшларига рақамли технологиялар, дастурлаш асослари, робототехника бўйича ўқув курслар ташкил этиш ва киберспортни янада оммалаштириш, бу соҳада мутахассисларни тайёрлаш тизимини такомиллаштириш учун мўлжалланган.
Шунингдек, марказда ушбу ҳудуддаги давлат ва ҳўжалик бошқаруви органлари ҳамда маҳаллий давлат ҳокимияти органларининг раҳбар ва ходимларининг ахборот-коммуникация технологиялари бўйича малакаларини ошириш мақсад қилинган.