Айни дамда Ўзбекистонда "Яшил макон" умуммиллий лойиҳасининг баҳорги мавсуми давом этмоқда. Лойиҳа доирасида республиканинг барча ҳудудларида мевали ва манзарали дарахт кўчатлари ўтқазилмоқда.
Хусусан, Қашқадарё вилоятида бугунга қадар ҳудуд иқлимига мос, чидамли 4 млн 539 минг 320 та дарахт кўчатлари экилди. Бошқа ҳудудларда ҳам бу борада кенг кўламли ишлар амалга оширилмоқда.
Маълумот учун, "Яшил макон" лойиҳаси доирасида шу пайтга қадар 1 минг 200 гектардан ортиқ яшил боғ ва жамоат парклари, 1 миллион гектардан зиёд яшил ҳудуд ва қопламалар барпо этилди.
