Дар он масъулини шаҳр ва намояндагони аҳли ҷомеа ширкат доштанд.
Масъалаи якуми рӯзнома энергетика буд. Қайд карда шуд, ки барои густариши иқтидори энергетикӣ истифодаи манбаъҳои барқароршаванда муҳим аст. Имкониятҳои дар Тошканд насб намудани панелҳои офтобии иқтидори умумиашон на кам аз 2000 мегаватт зикр гардид.
Аз чумла, дар болои боми биноҳои истиқоматӣ, объектҳои иҷтимоӣ ва дигар, дар ҳудуди минтақаҳои саноатӣ, истгоҳҳо ва иншоотҳои калони обӣ панелҳои офтобӣ насб кардан мумкин аст. Дар натиҷаи ин тадбирҳо, тибқи ҳисобҳо, имкон дорад, ки дар ҳаҷми 1 миллиарду 800 миллион киловатт-соат манбаъҳои энергетикӣ ба вуҷуд оварда шаванд, ки нисбат ба эҳтиёҷоти барои соли 2023 пешгӯишуда 240 миллион киловатт-соат 4 қувваи барқ зиёд аст.
Президент бар зарурати дур шудан аз монополияи давлатӣ дар истеҳсоли неруи барқ ва фароҳам овардани фазои рақобат таъкид кард. Аз ҷумла, барои харидории нерӯи барқ аз соҳибкороне, ки панелҳои офтобӣ насб кардаанд, ба давлат кафолат дода мешавад. Соли оянда бошад, онро ба дигар истеъмолкунандагон фурухта метавонанд. Шахсони ҷисмоние, ки дар хонахои худ панел насб кардаанд, метавонанд қувваи электри зиёдатиро бо нархи 1000 сӯм барои ҳар як киловат фурушанд.
Чораҳо оид ба насби панелҳои офтобӣ дар минтақаҳои саноатӣ ва корхонаҳои калон муайян шуданд, ки имкони ҳосил намудани 400 миллион киловатт-соат қувваи электр, инчунин сохтмони неругоҳи барқии офтобии иқтидораш 500 мегаваттро дар ноҳияи Юкоричирчик медиҳад. Барои кам кардани талафоти неруи барқ дар корхонаҳои саноатӣ, навсозии трассаҳои интиқоли гармии магистралӣ ва системаи гармидиҳии дохилии 1817 бинои истиқоматӣ супоришҳо дода шуданд.
Дар маҷмӯъ, барои ҷорӣ кардани энергияи барқароршаванда дар шаҳр 1 миллиард доллар ҷудо карда мешавад.
Дар ҷаласа ҳамчунин масъалаҳои таъмини шуғли аҳолии пойтахт дар соли 2023 баррасӣ шуданд.
Таъкид гардид, ки барои ноил шудан ба нақшаҳои азими таъсиси ҷойҳои корӣ бояд ба соҳибкорон такя кард ва онҳоро дастгирӣ кард.
Аз ҷумла, имсол барои тараққӣ додани соҳаи хидматрасонӣ дар Тошканд 20 триллион сӯм қарз ҷудо карда мешавад.
Ба соҳибкории оилавӣ равон намудани вом дар ҳаҷми 300 миллиард сӯм ба анқша гирифта шудааст.
Зимнан зикр гардид, ки барои ободонии инфрасохтори иҷтимоӣ ва истеҳсолии маҳаллаҳои пойтахт 1,4 триллион сӯм ва барои лоиҳаҳо дар доираи Буҷети ташаббускор 573 миллиард сӯм ҷудо карда мешавад.
Президент инчунин ба масъалаҳои ободонии маҳаллаҳо, таъмири роҳҳо ва иншооти обрасонӣ дахл кард. Дар бораи ҷудо кардани маблағи иловагии бюҷет дар ҳаҷми 584 миллиард сӯм — ба ҳар кадоми 584 маҳаллаи шаҳр 1 миллиардӣ қарор қабул карда шуд.
Дар ҷамъомад ба соҳаи нақлиёти ҷамъиятӣ диққати махсус дода шуд. Зимнан зикр гардид, ки бо мақсади густариши хизматрасонии мусофирон то 1-уми апрел ба таври иловагӣ ҳазор автобус оварда, барои автобусҳо дар 25 кӯча хатҳои алоҳида ташкил карда, чароғҳои светофор вобаста ба ҷараёни мусофирон танзим карда мешаванд, таваққуфгоҳҳо ташкил карда ва паркоматҳо гузошта мешаванд.
Сарвари давлат аз онро зери тозиёнаи танқид гирифт, ки ҳангоми додани иҷоза барои сохтмон ҳисобҳои дақиқи сарбории инфрасохтори мавҷуда сурат намегирад ва корҳои ташкил кардани минтақаҳои сабз дар ҷудоӣ аз нақшаҳои ободонӣ сурат мегирад. Дар робита ба ин гуфта шуд, ки то тасвиби нақшаи генералии шаҳр ба сохтмони иншооти нав моратория эълон карда мешавад.
Вазифа гузошта шуд, ки дар соли 2023 сатҳи кабудизоркунии шаҳри Тошканд ба 28 фоиз расонида шавад. Бо ин мақсад дар майдони 100 гектар боғи нав бунёд гардида, лоиҳаи «Камари сабзи Тошканд» оғоз мегардад.
Вазъи кор дар соҳаи коркарди партов дар пойтахт ғайриқаноатбахш номида шуд. Вазифа гузошта шуд, ки фаъолияти КВД «Махсустранс» ислоҳ карда, сатҳи коркарди партовҳо ба 50 фоиз расонида шавад.
Дар анҷоми ҷаласа ҳисоботи роҳбарияти пойтахт ва ҳокимони ноҳияҳо шунида шуд.
Инчунин, нақшаҳои рушди соҳаи хизматрасонӣ ва афзоиши шуғли аҳолӣ дар Тошканд муаррифӣ карда шуд.
