O'tgan yili Turkmaniston Amudaryo suvidan foydalanish bo'yicha yetakchilik qildi, bu mazkur daryodan suv olishning qariyb 42 foizini yoki 19,9 kub kilometrdan ko'proqni tashkil qildi.

Suv sarfining 38,4 foizi (taxminan 18,3 km3), Tojikiston 19,8 foizi (9,4 km3 dan ortiq) O'zbekiston hissasiga to'g'ri keladi.

Afg'oniston bo'yicha ma'lumotlar yo'q, lekin suv olish bo'yicha u qanday holatda bo'lishidan qat'i nazar, hozirda hech bo'lmaganda 4-o'rinni egallab turibdi.

Bu statistik ma'lumotlar mintaqadagi aholi soni eng kam bo'lgan Turkmanistonda suvdan nihoyatda samarasiz foydalanilayotganining yorqin dalilidir. Rasmiy ma'lumotlarga ko'ra, mamlakatda 7 milliondan sal ko'proq aholi istiqomat qiladi, mustaqil hisob-kitoblarga ko'ra, 5 milliondan sal ko'proq. Rasmiy aholi ma'lumotlaridan kelib chiqilsa ham Turkmanistonning 2023-yilda Amudaryodan suv olishi aholi jon boshiga 6741,7 m3 suvni tashkil qildi.

Bu ko'rsatkich bo'yicha Turkmaniston mintaqadagi barcha qo'shni davlatlardan oldinda, butun dunyoda rekordchilardan biri hisoblanadi.

Ko'plab ommaviy axborot vositalarining xabarlariga ko'ra, Turkmaniston sug'orishda foydalaniladirgan suv tanqisligidan doimiy ravishda aziyat chekmoqda. Ko'rsatilgan sabablar qatorida qat'iy markazlashgan boshqaruv tizimiga qurilgan tizimning o'ta samarasizligi, qishloq xo'jaligi sohasi mutaxassislari malakasining yuqori emasligi, kollektor va sug'orish kanallari tizimining yomonlashuvi, yerlarning sho'rlanishi, kanal tizimlari orqali suv tashishda ko'p suv yo'qotilishi va boshqalar keltirib o'tilgan.

Bundan tashqari, so'nggi bir necha yil ichida, ayniqsa 2021-yilda qurg'oqchilik yuzaga keldi, deb xabar beradi meteojurnal.ru.