Nizomga koʼra, ruxsatnomalarda avtomobilda yuk va yoʼlovchilarni xalqaro tashish turlari (ikki tomonlama, tranzit yoki uchinchi davlatga/dan tashish) va ulardan foydalanish shartlari koʼrsatiladi.
Ruxsatnomalar quyidagi asosiy turlarga boʼlinadi:
- ikki tomonlama yuk tashish uchun;
- tranzit yuk tashish uchun;
- uchinchi davlatga/dan yuk tashish uchun;
- ikki tomonlama/tranzit yuk tashish uchun;
- ikki tomonlama qatnovlarda yoʼlovchilarni nomuntazam tashish uchun;
- tranzit qatnovlarda yoʼlovchilarni nomuntazam tashish uchun;
- ikki tomonlama/tranzit qatnovlarda yoʼlovchilarni nomuntazam tashish uchun.
Xorijiy/koʼp tomonlama ruxsatnomalarni olish uchun arizani milliy tashuvchi oʼzining ERIsi bilan tasdiqlagan holda “E-avto ruxsatnoma” ААT orqali takdim etadi va ariza olingan kundan 1 ish kunida koʼrib chiqiladi.
Ruxsatnomani berish yoki berishni rad etish “E-avto ruxsatnoma” ААTda avtomatik tarzda amalga oshiriladi.
Ruxsatnomalar ular berilgan kundan 90 kalendarь kun ichida vakolatli organga qaytarish sharti bilan tashuvchilarga beriladi.
Har bir beriladigan xorijiy/koʼp tomonlama ruxsatnoma uchun BHMning toʼrtdan biri (82 ming 500 soʼm) miqdorida yigʼim undiriladi.
Milliy tashuvchi tomonidan unga berilgan xorijiy/koʼp tomonlama ruxsatnomalarni yoki ular boʼyicha huquqlar uchinchi shaxslarga berilganligi aniqlangan taqdirda, “E-avto ruxsatnoma” ААTda avtomatik tarzda ushbu tashuvchiga – 3 oy muddatga, yil davomida qayta aniqlansa – 6 oy muddatga barcha xorijiy/koʼp tomonlama ruxsatnomalar berilishi toʼxtatiladi.
